Heydər Əliyev vəfatının 22-ci ildönümündə Ankarada anıldı

Azərbaycanın keçmiş Prezidenti və ölkə tarixində "Ümummilli Lider" ünvanı ilə anılan Heydər Əliyev ölümünün 22-ci ildönümündə Ankarada anılıb. Türkiyə-Azərbaycan Dostluq, Əməkdaşlıq və Həmrəylik Vəqfi (TADİV) ev sahibliyində Azərbaycanın Ankara Səfirliyi və Heydər Əliyev Orta Məktəbinin əməkdaşlığı ilə "Azərbaycan deyəndə Səni düşünürük Biz" mövzusu ilə anım proqramı təşkil olunub. Proqrama TADİV sədri Aygün Attar, TADİV İdarə Heyətinin üzvü və Türkiyə-Azərbaycan Parlamentlərarası Dostluq Qrupunun sədri AK Parti İstanbul millət vəkili Şamil Ayrım, Azərbaycanın Ankara Səfirliyinin müşaviri Eldar Əliyev, Xarici İşlər Nazirliyinin Orta Asiya və Qafqaz İdarəsinin müdir müavini səfir Ayşə Uzer, İğdır Bələdiyyəsinin keçmiş sədri Ali Ağrı, akademiklər, qeyri-hökumət təşkilatlarının nümayəndələri, Heydər Əliyev Orta Məktəbinin şagirdləri və çox sayda dəvətli qatılıb.