Humanizm və Dövlət Olmaq: Konstitusiya və Suverenlik İli Kontekstində Əfv Siyasəti
Müasir Azərbaycan dövlətinin təməlləri Ümummilli Lider Heydər Əliyevin xilasedici missiyasının nəticəsi olaraq atılmışdır. 1990-cı illərin əvvəllərində dövlət böhranı yaşayan Azərbaycan onun qətiyyətli siyasi iradəsi sayəsində dağılma təhlükəsindən xilas edilmiş, hüquqi və institusional olaraq gücləndirilmişdir. 1995-ci ildə ölkə üzrə keçirilən səsvermə ilə qəbul edilən Azərbaycan Respublikası Konstitusiyası bu gücləndirmənin hüquqi ifadəsi olmuşdur. Konstitusiya Azərbaycan dövlətini hüquqi, dünyəvi və demokratik dövlət kimi qurmaqla yanaşı, insan hüquq və azadlıqlarının təmin edilməsini dövlət fəaliyyətinin ən uca məqsədi kimi müəyyən etmişdir. Bu sənəd dövlət-vətəndaş münasibətlərində əsas kriteriyalar kimi hüququn aliliyini, ədalət prinsipini və sosial məsuliyyəti ortaya qoymuşdur.
